Balalardyń súıiktisi – «Naızaǵaı Makkýın» qazaq tilinde sóılemek

ALMATY. QazAqparat - «AraiMediaGroup» stýdııasy «Disney» jáne «Pixar» ónimi jańa anımatsııalyq «Kólikter-3» mýltfılminiń dýblıaj jumystary aıaqtalǵanyn, aýdarma jumystaryna 100 adam qatysqanyn jetkizdi, dep habarlaıdy QazAqparat tilshisi.

«Naızaǵaı Makkýın» osymen ekinshi ret qazaq tilinde sóılegeli otyr. Buǵan deıin 2011 jyly «Kólikter-2» mýltfılmi gollıvýd ónimderiniń ishinde alǵash bolyp dýblıajdalǵan bolatyn.

Jobany «Bolashaq» korporatıvtik qory men «Marwin» kompanııasy iske asyrdy. Nyshanbek Jubanaev osy jola da Naızaǵaı Makkýınniń daýysyn salsa, al onyń dosy Metrdyń daýysyn 2011 jyly osy obrazdy somdaǵan Azamat Qanapııa naqyshyna keltirgen.

Mýltfılm elimizdiń barlyq kınoteatrlarynda 15-shi maýsymnan bastalady.