Balalardyń sýǵa ketý deregi artyp tur - TJK resmı ókili
ASTANA. QazAqparat - Aǵymdaǵy jyldyń 6 aıynda elimizdiń sý aıyndarynda 195 adam batyp ketti. Bul týraly búgin QR ІІM Tótenshe jaǵdaılar komıtetiniń resmı ókili Rýslan Imanqulov málim etti.
«Tıimdi jáne ýaqytyly qabyldanǵan sharalardyń arqasynda jyl basynan beri sýǵa batyp ketken adamdardyń sany 28 paıyzǵa, ıaǵnı 75 adamǵa azaıdy. Al tek sýǵa shomylý maýsymy kezinde adamdardyń sýǵa batýy 98 adamǵa tómendedi. Máselen, statıstıkalyq derekterge súıenetin bolsaq, aǵymdaǵy jyldyń 6 aıynda sý aıyndarynda 195 adam, onyń ishinde 75 bala sýǵa batyp ketti», - dedi ol.
Resmı ókildiń derekterine qaraǵanda, ótken jyldyń sáıkes kezeńinde 270 adam, onyń ishinde 48 bala sýǵa batyp ketken.
«Al osy jyly sýǵa shomylý maýsymy bastalǵannan beri 84 adam, onyń ishinde 15 bala sýǵa ketti. Este bolsa, ótken jyldyń sýǵa shomylý maýsymynyń alǵashqy aıynda 182 adam, onyń ishinde 11 bala sýǵa batqan edi. Derekterden kórip otyrǵanymyzdaı, bıyl adamdardyń sýǵa ketýi birshama tómendedi. Alaıda, ókinishke oraı, balalardyń sýǵa batýy kóbeıip tur», - dedi R.Imanqulov.
