Balalardyń maska taqpaı júrýine ruqsat berý: Álemdik tájirıbe qandaı

NUR-SULTAN. QazAqparat - Qazaqstanda 5 jasqa deıingi balalardyń maska taqpaı júrýine ruqsat berildi. Bul sheshim AQSh, Avstralııa, Ulybrıtanııa, Frantsııa, Polsha, Germanııa, Ispanııa jáne Sıngapýr sııaqty elderdiń tájirıbesine súıene otyr qabyldanǵan, dep habarlaıdy QazAqparat www.coronavirus2020.kz saıtynyń telegram kanalyna silteme jasap.

«Amerıka Qurama Shtattarynda maska kımeýge ruqsat etilgen jas ártúrli bolady. Mysaly, Massachýsets, Illınoıs, Vermont, Rod-Aılend, Pensılvanııa, Kolýmbııa okrýgi, Nıý-Iork qalasynda 2 jasqa deıingi balalarǵa, al Delaverada 11 jasqa deıingi balalarǵa maska kımeýge bolady», - delingen QR Densaýlyq saqtaý mınıstrliginiń baspasóz habarlamasynda.

Germanııanyń kóp aımaǵynda 6 jasqa deıin, Saksonııa-Anhaltta 2 jasqa deıin maska taqpaýǵa bolsa, basqa aımaqtarynda tómengi jas belgilenbegen.

«Avstralııada 12 jasqa deıin, Ulybrıtanııada 3 jasqa deıin, Ispanııada - 3-5 jas aralyǵynda maska taqpaýǵa bolady. Osyǵan baılanysty Densaýlyq saqtaý mınıstrligi maskalardy mindetti túrde kııýge qatysty qabyldanǵan normalarǵa ózgeris engizý týraly sheshim qabyldady jáne 5 jastan asqan balalar maska kııý kerek dep sheshti. Erejeni ázirleý kezinde DDU usynystary eskerildi», - delingen habarlamada.

Eske sala ketsek, 30 shildeden bastap qazaqstandyqtar kóshede maska taǵyp júrýge mindetteldi. Bul týraly eldiń Bas sanıtarlyq memlekettik dárigeri Aıjan Esmaǵambetovanyń qaýlysynda aıtylǵan.

Keıinnen Densaýlyq saqtaý mınıstri Alekseı Tsoı bul ereje tek eresekterge ǵana emes, balalarǵa da qatysty ekenin túsindirdi.

Sonymen qatar, ol jeke qorǵanys quraldaryn barlyq qoǵamdyq oryndarda, sonyń ishinde dámhanalarja, sportpen shuǵyldaný kezinde jáne basqalarynda kııý kerek ekenin aıtqan bolatyn. Sondaı-aq mınıstrdiń buıryǵymen elimizde 5 jasqa deıingi balalarǵa maska taqpaı júrýge ruqsat berildi.