Balalardyń quqyǵyn qorǵaý senim telefonyna 339 766 qońyraý túsken
«Balalar men jastarǵa arnalǵan ulttyq senim telefon jelisine» 2015 jyly barlyǵy 339 766 qońyraý shalynǵan, olardyń ishindegi 8 781 qońyraý (balalardan 3 043, eresekterden 5738 qońyraý kelip túsken) balalar quqyǵynyń buzylýyna qatysty bolǵan. Osy tusta shalynǵan qońyraýlardyń sany jyldan jylǵa ulǵaıyp keledi, máselen, 2013 jyly 6755 qońyraý shalynǵan bolsa, 2014 jyly 6862, 2015 jyly 8781 qońyraý kelip túsken. Bul balalar men jastardyń quqyqtary men múddelerin qorǵaý maqsatynda balalar men jastardyń kómekke júginýin jeńildetetin tetikterdi qurý qajet ekendigin baıqatady», - dedi ol.
Elbasynyń 2016 jyldyń 10 aqpanyndaǵy «Qazaqstan Respýblıkasynda Balalar quqyǵy jónindegi ýákil ınstıtýtyn qurý týraly» №192 jarlyǵyna sáıkes atalmysh ınstıtýt óz qyzmetin qoǵamdyq bastama negizinde júrgizedi dep kórsetilgen. Qazaqstandyq ÚEU-nyń «Balalar quqyǵyn qorǵaý jónindegi» jumys toby 2002 jyldan bastap osy ınstıtýtty qurý ıdeıasyn júıeli túrde damytyp keledi.
