Balalardyń quqyǵyn qorǵaý komıteti Pavlodarda soqqyǵa jyǵylǵan jasóspirimniń isin baqylaýǵa aldy

PAVLODAR. QazAqparat – Pavlodarda soqqyǵa jyǵylǵan jasóspirimniń isi baqylaýǵa alyndy jáne osy jaǵdaıǵa kináli adamdardyń barlyǵy jazalanady, dep málimdedi Balalardyń quqyn qorǵaý komıtetiniń baspasóz qyzmeti.

«Balalardyń quqyn qorǵaý komıteti osy jaǵdaıdy baqylaýǵa aldy. Qazir oqýshy aýrýhanada em alyp jatyr. Zardap shekken balaǵa jan-jaqty kómek kórsetiledi. Osy fakt boıynsha qylmystyq is qozǵaldy. Kináli adamdardyń bári jazaǵa tartylady», - delingen komıtet málimdemesinde.
Sonymen qatar, vedomstvo balalar zulymdyǵynyń aldyn alý úshin óńirlerdegi bilim berý uıymdaryna tárbıe jumystaryn jáne balalardy 100% qosymsha bilimmen qamtamasyz etý sharalaryn kúsheıtý tapsyrdy.
Pavlodarda ýnıversıtet janyndaǵy stadıonda birneshe adam 14 jasar jasóspirimdi soqqyǵa jyqqanyn eske sala keteıik. Tóbeleske qatysqan adamdardyń barlyǵy anyqtaldy.