Balalardyń quqyǵy týraly zańnamaǵa eki jylda 83 ózgeris engizilgen

NUR-SULTAN. QazAqparat – Qazaqstan zańnamasyna balalardyń quqyǵy týraly 83 túzetý engizilgen. Bilim jáne ǵylym mınıstrligi Balalardyń quqyqtaryn qorǵaý komıtetiniń tóraǵasy Esenǵazy Imanǵalıev Ortalyq kommýnıkatsııalar qyzmetinde ótken brıfıngide osyndaı málimet aıtty, dep habarlaıdy QazAqparat.

«Erteń – erekshe mereke. Men bir jaǵynan balalarǵa qyzyǵy qaraımyn. 6 mln 109 myń bala qazir saýyqtyrý maýsymyn bastaǵaly jatyr.

Táýelsizdiktiń 30 jyly ishinde Qazaqstan balalardyń quqyǵymen baılanysty halyqaralyq qujattardyń bárin ratıfıkatsııalady. Solardyń alǵashqysynyń biri Balalardyń quqyǵy týraly konventsııa bolatyn», - degen BǴM ókili ulttyq zańnama sońǵy jyldary birtalaı jetildirilgenin eske saldy.

«Sońǵy eki jyl ishinde 83 túzetý engizildi. Sonyń bári balalardyń quqyqtary men múddelerin qorǵaý máselesine arnalǵan. Elbasy da, Prezıdent Qasym-Jomart Kemeluly da óziniń eń alǵashqy Joldaýynda balalardyń qaýipsizdigin arttyrýdy tapsyrǵan bolatyn», - dedi Esenǵazy Imanǵalıev.