Balalardyń qaýipsizdigine arnalǵan elektrondy qurylǵy iske qosylady
«Balalardyń qaýipsizdigi úshin arnaıy elektrondy qurylǵyny iske qosqaly jatyrmyz. Bul kishkentaı ǵana qurylǵyny balanyń kıimine nemese sómkesine jabystyryp qoıýǵa bolady. Ol Bluetooth arqyly jumys isteıdi. Qazir kez kelgen uıaly telefonda Bluetooth júıesi bar. ıAǵnı bala úıden nemese ata-anasynan 10 metr qashyqtaǵan sátten bastap, elektrondy qurylǵy avtomatty túrde iske qosylady. Sondaı-aq, elektrondy qurylǵy arqyly balanyń qaı jerde júrgenin nemese oǵan qaýip tóngen jaǵdaıda ornalasqan jerin anyqtaýǵa bolady», - dedi QR Іshki ister mınıstriniń orynbasary Sáken Sársenov qurylǵyny tanystyrý barysynda.
Vıtse-mınıstrdiń aıtýynsha, atalǵan elektrondy qurylǵyny qoldaný ár ata-ananyń erkinde bolady.
«Odan bólek bul qurylǵyda «SOS» batyrmasy bar. ıAǵnı bala qaýip tóngen jaǵdaıda sol batyrmany bassa, sol sátte dabyl polıtsııa men qatar onyń ata-anasyna kelip túsedi. Sáıkesinshe dabyl boıynsha polıtsııa jedel áreket etedi. Ata-ana men polıtsııa balany arnaıy mobıldi qosymsha arqyly baqylaı alady. Elektrondy qurylǵynyń quny ortasha baǵamen 2500 teńgeni quraıdy», - dedi ol.
Aıta keteıik, búgin elordada BAQ ókilderine QR Іshki ister mınıstrliginde tsıfrlandyrý salasyna qatysty birqatar jobalar tanystyryldy.
