Balalardyń demalysyn uıymdastyrýǵa jetkilikti kóńil bólinsin - QR Premer-Mınıstri
ASTANA. QazAqparat - Búgin Úkimet otyrysynda QR Premer-Mınıstri Baqytjan Saǵyntaev balalar demalysyn uıymdastyrýǵa jetkilikti deńgeıde kóńil bólýdi barlyq ákimderge tapsyrdy, dep habarlaıdy QazAqparat tilshisi.
«Barlyq óńirde balalardyń demalysyn uıymdastyrýǵa jetkilikti kóńil bólinsin. Ákimder, Іshki ister jáne Densaýlyq saqtaý mınıstrlikteri balalardyń qaýipsizdigin qamtamasyz etetin bolsyn. Bul óte kúrdeli másele. Mınıstr de byltyrǵy maýsymda qansha balanyń sýǵa ketkenin aıtyp ótti. Sonymen qatar balalar lagerleriniń jumysyna qoǵamdyq monıtorıngti kúsheıtý qajet. Erlan Kenjeǵalıuly ákimdiktermen birge bul sharýany qadaǵalaýyńyzdy suraımyn», - dedi Baqytjan Saǵyntaev Bilim jáne ǵylym mınıstri Saǵadıevke qarata.
Úkimet otyrynda balalardyń jazǵy demalysyn uıymdastyrý máselesi boıynsha baıandama jasaǵan Erlan Saǵadıevtiń dereginshe, bıyl 2 mln 815 myń 1-10 synyp oqýshylarynyń 2 mln 600 myńy nemese 92 paıyzy lagerlerde demalatyn bolady.
