Balalardyń ál-aýqat ındeksi tómen óńir basshylaryna ákimshilik jaýapkershilik engizilmek
«Eldiń turaqty damýyn qamtamasyz etýde balalardyń ál-aýqaty máselesi mańyzdy ról atqarady. Jaǵdaı jasaýdyń júıeli monıtorıngi, sondaı-aq problemalardy ýaqytyly anyqtaý jáne sheshimderdi jedel qabyldaý úshin 2022 jyly 56 ındıkatordan turatyn balalardyń ál-aýqatynyń ındeksi qabyldandy. Sonymen qatar 2021 jyldyń nátıjeleri boıynsha respýblıka boıynsha balalardyń ál-aýqat ındeksi nebári 55,6 baldy qurady. Bul ál-aýqattyń ortasha deńgeıi sanalady. Memleket basshysynyń balalardyń ál-aýqatyna osy ulttyq monıtorıngti engizý jónindegi tapsyrmasyn iske asyrý memlekettik organdardyń balalyq shaq salasyndaǵy áleýmettik problemalardy joıý jóninde qajetti sheshimder qabyldaýy úshin ómirlik mańyzdy bolyp tabylady», - delingen qujatta.
Qujatta balalardyń qolaısyzdyǵyn eńserý maqsatynda jergilikti jerlerde balalardyń ál-aýqatyn ólsheý úshin bekitilgen ındeksti engizý, aqparattyq karta jasaý jáne jergilikti atqarýshy organdarmen birlesip, jaǵdaıdy odan ári jaqsartý úshin problemalyq aımaqtardy anyqtaý jóninde sharalar qabyldaý qajettigi aıtylǵan.
«Josparlanǵan is-sharalardyń arqasynda ındeks jyl saıyn 1 balǵa ulǵaıtylatyn bolady. Budan basqa, ındekstiń tómen kórsetkishteri úshin ákimshilik-aýmaqtyq birlikterdiń birinshi basshylarynyń ákimshilik jaýapkershiligin engizý usynylady. Balalardyń tárbıelik komponentin kúsheıtýdiń, balalardyń ál-aýqatyn keshendi qamtamasyz etýdiń mańyzdy sheshimi 2025-2029 jyldarǵa arnalǵan balalardy úzdiksiz tárbıeleý tujyrymdamasyn qabyldaý bolady», - delingen keshendi jobada.
