Balalardyń 98,5% balabaqshamen qamtyldy - QR BǴM
NUR-SULTAN. QazAqparat - QR Bilim jáne ǵylym mınıstri Ashat Aımaǵambetov balabaqshalardyń qoljetimdiligi týraly aıtyp berdi, dep habarlaıdy QazAqparat tilshisi.
«2019 jyly memlekettik-jekeshelik áriptestik mehanızmderi arqyly mektepke deıingi uıymdar sany artty jáne 3-6 jastaǵy balalardy 98,5% qamtı aldyq. Árıne, keı óńirlerde, Almaty, Nur-Sultan syndy megapolısterde, Almaty oblysynda suranystyń áli de kóp ekenin jasyrmaımyz. Onda mıgratsııa úlesi aıtarlyqtaı joǵary, demografııalyq protsester belsendi júrip jatyr», - dedi mınıstr Feısbýk jelisinde halyq aldynda esep berý barysynda.
Onyń aıtýynsha, bul máseleni mınıstrlik óńir ákimdikterimen birlesip sheshedi.
«Buǵan deıin balabaqshaǵa kezekke qoıý bilim berý bólimderinde júrgiziletin. Al qazir jemqorlyq qaýip-qaterdi azaıtý maqsatynda bul protsesti tolyq tsıfrlandyrdyq. Kezekke qoıý men joldama alýdy Elektrondy úkimet portaly arqyly júzege asyrylady. Bul qyzmet qazir de qoljetimdi», - dedi mınıstr.
Sonymen birge, mınıstr balalardyń qaýipsizdigi máselesiniń mańyzdy ekenin atap ótti.
«Mundaǵy mańyzdy faktorlardyń biri - beınebaqylaý júıeleriniń bolýy. Qazirgi ýaqytta mektepke deıingi uıymdardyń 90% jýyǵy beınebaqylaý kameralarymen jabdyqtalǵan. Bul jumysty da sizdermen birlesip jalǵastyratyn bolamyz», - dedi A.
