Balalardy turǵylyqty jeri boıynsha qalaı tirkeýge bolady
KÓKShETAÝ. QazAqparat - QR Memlekettik qyzmet isteri agenttiginiń Aqmola oblysy boıynsha departamenti Egov.kz portaly arqyly elektrondyq túrde usynylatyn memlekettik qyzmetterdi dáripteýge baǵyttalǵan túsindirý jumystaryn turaqty negizde júrgizip keledi, dep habarlaıdy QazAqparat tilshisi vedomstvonyń baspasóz qyzmetine silteme jasap.
Búgingi kúni oblys turǵyndary arasynda balalardy turǵylyqty jerine baılanysty tirkeý ózekti másele bolyp otyr. Atalǵan qyzmetti qalaı alýǵa bolatyny týraly Departamenttiń memlekettik qyzmetterdi kórsetý basqarmasynyń bas mamany Qanat Aıtymov túsindirip berdi.
Onyń aıtýynsha, eń aldymen balanyń ata-anasynyń bireýi elektrondyq-tsıfrlyq qoltańba nemese bir rettik sms-qupııa sóz arqyly Egov.kz portalynda avtorızatsııadan ótýi kerek.
Ári qaraı basty bette «Azamattyq, mıgratsııa jáne ımmıgratsııa» qyzmetin tańdaý qajet. Bul jerde qyzmet alýshy «Halyqty tirkeý jáne tirkeý esebinen alyp tastaý» bólimine ótýi tıis.
Budan ári túrli qyzmet túrleri usynylady, al olardyń ishinen «16 jasqa deıingi balalardy turǵylyqty jeri boıynsha tirkeý» qyzmeti tańdalynady. Odan keıin «Onlaın suraý» qyzmetin tańdap, ótinishti toltyryp, oǵan elektrondyq-tsıfrlyq qoldańbanyń kómegimen nemese sms-qupııa sóz arqyly qol qoıý kerek.
«Bul rette, sms-qupııa sóz arqyly ótinimge qol qoıý úshin mobıldi azamattar bazasynda tirkeýdiń bolý qajettigin eskerý kerek. Eger sizde mundaı tirkeý bolmasa, sizge operatorǵa beınebaılanys arqyly habarlasý qyzmeti usynylady, ıaǵnı operator onlaın rejimde tirkeýden ótýge kómektesedi» - dep atap ótti Q.Aıtymov.
Mamannyń aıtýynsha, sońynda jeke kabınette ótinimniń qaralýy týraly habarlamamen tanysýǵa bolady. Eger qyzmet alýshy turǵyn úıdiń menshik ıesi bolyp tabylmaǵan jaǵdaıda, balany turǵylyqty jeri boıynsha tirkeý úshin turǵyn úı ıesinen ETsQ-men rastalǵan kelisimdi alý qajet. Sonymen qatar, eger birneshe turǵyn úı ıeleri bolsa, olardyń árqaısysynyń kelisimin alý qajet.
