Balalardy ońaltý ortalyǵynyń dırektory qaramaǵyndaǵylardan aqsha alyp kelgen
ASTANA. QazAqparat - Almatydaǵy múmkindigi shekteýli balalardy ońaltýǵa arnalǵan ortalyq dırektory para alǵanyn moıyndady, dep habarlaıdy QazAqparat tilshisi.
Bul týraly Memlekettik qyzmet isteri jáne sybaılas jemqorlyqqa qarsy is-qımyl agenttiginiń resmı ókili Janna Bastarova aıtty.
«Ulttyq bıýronyń Almaty qalasy boıynsha departamenti «Almaty qalasynyń múmkindigi shekteýli balalardy ońaltýǵa arnalǵan ortalyǵy» KMK dırektoryna qatysty sotqa deıingi tergeý júrgizýde. Ol 2018 jylǵy aqpan-jeltoqsan aralyǵynda jalpy qamqorlyǵy úshin baǵynyshty qyzmetkerlerden 1,6 mln teńge para alyp kelgen», - dedi Janna Bastarova Astanada ótken brıfıngte.
Resmı ókildiń aıtýynsha, tergeý amaldary barysynda atalǵan laýazymdy tulǵa kinásin tolyq moıyndady.
