Balalardy qutqarǵan qaraǵandylyq stýdent aýyr kúıik jaraqattaryn aldy
QARAǴANDY. QazAqparat - Qaraǵandyda óziniń inisi men qaryndasyn órtten qutqarǵan Polıtehnıkalyq kolledjdiń ekinshi kýrs stýdenti Nıkıta Parshıkov marapattaldy, dep habarlaıdy QazAqparat tilshisi.
Nıkıtanyń aıtýynsha, ol eki jasar inisi men bir jarym jastaǵy qaryndasymen birge úıde bolǵan. Otty kórgen ýaqytta jalynnyń arasymen jatyn bólmege qaraı ótip, úreıleri qashqan balalardy tósek japqyshymen búrkegen. Keıin olardy alaýlaǵan ottyń arasymen dalaǵa alyp shyqqan. Іnisi men qaryndasyn qutqaramyn dep ózi zardap shekken, onyń aıaǵyn, qoly men betin kúıik shalǵan, sondaı-aq ol ıis tıip ýlanǵan.
«Nıkıta bolashaq qutqarýshy. Ol óte jaýapty ári adal nıetti stýdent jáne ol kolledjdiń sporttyq jáne qoǵamdyq sharalaryna árdaıym belsendi qatysady», - dep málim etti Qaraǵandy oblystyq Tótenshe jaǵdaılar departamentiniń baspasóz qyzmetinen.
Departament basshysy Ibragım Qulshymbaev Nıkıtany «Tóteshe jaǵdaıdaǵy erligi úshin» tósbelgisimen marapattady. Marapattaý rásimi Qutqarýshylar kúnine arnalǵan saltanatty shara barysynda ótti.
