Balalardy qorlaǵany úshin izdeýde júrgen tájikstandyq Almatyda jasyrynǵan
Almatynyń kóshi-qon qyzmetiniń málimetinshe, «Kelimsek» is-sharasy kezinde aýyr qylmys jasaǵany úshin óz Otanynda izdeýde júrgen shetel azamaty ustaldy.
«Jedel-izdestirý is-sharalaryn júrgizý kezinde qalalyq krımınaldyq polıtsııa qyzmetkerleri bizdiń bólimniń ókilderimen birge Tájikstan Respýblıkasynyń azamaty, Gıssar qalasynyń turǵyny - 1995 jyly týǵan M. esimdi azamatty ustady. Er adam 2017 jyldan beri Gıssar aýdandyq ІІMO-men Tájikstan Respýblıkasynyń QK-niń 141-baby 2-bóligi - kámeletke tolmaǵandardy qorlaý boıynsha qylmys jasaǵany úshin izdestirilip jatqany anyqtaldy. Ustalǵan adamdy ekstradıtsııalaý máselesi halyqaralyq sharttarǵa sáıkes sheshiledi», - dedi Almaty qalalyq Polıtsııa departamenti kóshi-qon qyzmeti basqarmasynyń bastyǵy Ashat Býtýnchınov.
Tıisti qoǵamdyq tártipti saqtaý, sheteldikterdiń Qazaqstan Respýblıkasynda bolý erejelerin buzý faktilerin anyqtaýǵa baǵyttalǵan «Kelimsek» jalpyrespýblıkalyq jedel-aldyn alý sharasy 16 maýsymǵa deıin jalǵasady.