Balalardy qorǵaý máselesinde Qazaqstan men ıÝNISEF uıymynyń múddesi ortaq

ASTANA. Jeltoqsannyń 9-y. QazAqparat /Aıdyn Báımen/ - Búgin QR Parlamenti Májilisiniń tóraǵasy Oral Muhamedjanov ıÝNISEF-tiń Ortalyq jáne Shyǵys Eýropa men Táýelsiz memleketter dostastyǵy elderi boıynsha óńirlik dırektory Stıven Allen myrzamen kezdesti,

dep habarlaıdy QazAqparat.

Meıman Qazaqstanǵa birinshi ret kelip otyrǵanyn málim etti. ıÝNISEF uıymynyń Álem elderi parlamentterimen tyǵys baılanys jasaıtynyn, balalardyń quqyǵyn qorǵaý máselesi parlamentshilerdiń júreginen oryn alatyny jaıly aıta kelip, osy baǵytta atqaryp jatqan isteri jaıly baıandap berdi. «Qazaqstannyń balalar máselesin qorǵaýǵa qatysty qabyldaǵan zańdaryn, Densaýlyq kodeksin estip otyrmyz. Sizder bul baǵytta júıeli jumys istep kelesizder»,- dedi Stıven Allen myrza.

Kezdesýde Májilis Tóraǵasy Qazaqstan balalardyń quqyǵyn qorǵaýǵa arnalǵan zańdar qabyldap, naqty ister atqaryp otyrǵanyn aıtty. Qazaqstan Respýblıkasy Prezıdenti janyndaǵy áıelder isi jáne otbasy-demografııalyq saıasat jónindegi Ulttyq komıssııa jumys isteıtinin, oǵan QR Eńbek jáne halyqty áleýmettik qorǵaý mınıstri Gúlshara Ábdihalyqova jetekshilik etetinin jetkizdi. QR Bilim jáne ǵylym mınıstrliginde balalar quqyǵyn qorǵaý komıteti bar ekenin, elimizde balalar aýyly jáne balalar men sábıler úıi ata-anasynyń qamqorlyǵynan aıyrylyp qalǵan baldyrǵandarǵa qamqorlyq kórsetip otyrǵanyn málim etti. Bul baǵytta ıÝNISEF uıymynyń atsalysyp otyrǵanyna rızashylyǵyn bildirdi. «Bizdiń elge kelgen Sizdiń osy saparyńyz balalar máselesin tereńirek qarastyra túsýge serpilis beredi dep oılaımyn»,- dedi Májilis Tóraǵasy Oral Muhamedjanov.

Osy kezdesýge Májilistiń Áleýmettik-mádenı damý komıtetiniń tóraıymy Dınar Nóketaeva qatysty.