Balalardy qorǵaý kúnine oraı elordadaǵy «Alaý» sport saraıynda rolıkodrom ashylady
ASTANA. QazAqparat - Balalardy qorǵaý kúnine oraı «Alaý» muz saraıynda balalar men ata-analar úshin elimizdegi eń úlken rolıkodrom óz esigin aıqara ashady. Osy kúni kelýshiler rolık teýip, badmınton jáne ústel tennısin oınaıdy. Arenaǵa kirý tegin bolady, dep jazady astana.gov.kz.
Balalar merekesi sporttyq baǵdarlamamen bastalady. Rolıkodromda jas konkıshiler ústel tennısinen baq synasady.
Tańerteń jazǵy hokkeı lageriniń tanystyrylymy ótedi. Bul elordada jas sportshylarǵa ózderiniń kásibı daǵdylaryn shyńdaýǵa septigin tıgizbek. Bapkerler uıymdastyrǵan «Hoskey room» jobasy «Alaýda» júzege asyrylady. Jaz boıy jas hokkeıshiler syrǵanaý tehnıkasy, laqtyrý jáne taǵy basqa kásibı daǵdylardy shyńdaý maqsatynda úsh jattyǵý jıynyn ótkizedi.
Sonymen qatar, merekelik shara barysynda mádenı jáne oıyn-saýyq baǵdarlamasy da qarastyrylǵan. Rolık tebý qıynǵa soǵatyn adamdar úshin basqa konkýrstar daıyndalǵan.
Saǵat 15.00-16.00 aralyǵynda jaı rolık tebýge bolady. Dál osyndaı keste boıynsha «Alaý» 1 tamyzǵa deıin jumys isteıtin bolady. Osydan keıin dzıýdodan Álem chempıonatyn ótkizýge daıyndyq bastalady.
