Balalardy qorǵaý kúni Almatyda qandaı mádenı sharalar ótedi

ALMATY. QazAqparat- 1 maýsym - Búkilálemdik balalardy qorǵaý kúnine oraı Almatyda birqatar mádenı shara uıymdastyrylady, dep habarlaıdy QazAqparat tilshisi.

1 maýsym kúni saǵat 11:00-de Qazaqstan Brıtan tehnıkalyq ýnıversıteti (QBTÝ) Qazybek bı – Abylaı han, Áıteke bı – Panfılov kósheleriniń aýmaǵynda «Almaty BALAFEST» dástúrli balalar festıvaliniń jeńimpazdary men júldegerlerin saltanatty marapattaý rásimi ótedi.

Aýqymdy festıval baǵdarlamasy qolóner oıyndary, poezııalyq jáne plastmassany usaqtaý jarystary (bótelke qaqpaqtary), beıneleý óneri sheberhanalary jáne basqa túrli is-sharalardy qamtıdy.

Sondaı-aq megapolıstegi birqatar saıabaqta merekelik kontsert uıymdastyrylady.

Saǵat 12:00- de «Family» saıabaǵynda, saǵat 11:00-de Serikov kóshesi, 2a «Gúlder» saıabaǵynda, saǵat 12:00-de Ortalyq mádenıet jáne demalys saıabaǵy men Seıfýllın atyndaǵy parkte ótedi.

Budan bólek, túski saǵat 12.00-de S. Begalın atyndaǵy ortalyq qalalyq balalar kitaphanasynda (Tóle bı kóshesi, 27) «Jarqyn jaz» atty merekelik is-shara ótedi.