Balalardy qapqany úshin 63 ıttiń ıesi sottalatyn boldy
ASTANA. QazAqparat - Peterbýrgte 45 jastaǵy «ıt asyraýshy» Elena Roslova men Marııa Kojevatovaǵa qatysty qylmystyq istiń tergeýi aıaqtaldy.
Olardy «buzaqylyq jasaý», «soqqyǵa jyǵý», «densaýlyqqa qasaqana zııan keltirý» baptary boıynsha aıyptaýda. Bul týraly RF TK MTB baspasóz qyzmeti habarlady.
Áıelder Kýltýra dańǵylyndaǵy páterde 63 ıtti asyraǵan. Olarǵa birneshe ret kórshiler shaǵym túsirgen. 2016 jyldyń 3 shilde kúni «ıt asyraýshylar» jeti janýardy kireberiske tumyldyryq pen shylbyrsyz jibergen. Itter 30 jastaǵy azamatqa shabýyl jasap, aıaǵynan tistep alǵan.
Janýarlardyń tisterinen taǵy eki bala zardap shekken. Qylmystyq is prokýratýraǵa jiberildi.
