Balalardy donorlyqtan aıyrýǵa bolmaıdy - ıÝrıı Pıa
ASTANA. QazAqparat - «Ulttyq ǵylymı kardıoxırýrgııalyq ortalyq» AQ basqarma tóraǵasy ıÝrıı Pıanyń aıtýynsha, Qazaqstanda zań boıynsha balalardyń aǵzalaryn almastyrýǵa ruqsat joq. Sol sebepti ondaı otalar shetelde qymbat aqshaǵa jasalady, dep xabarlaıdy QazAqparat tilshisi.
«Mysaly, úsh jasar balanyń júregin almastyrý otasy Úndistanda jasaldy. Sebebi bizde balalardyń aǵzalaryn alýǵa ruqsat beretin zań joq. Bilýimshe, qazirgi kezde osy saladaǵy zańnama ázirlenip jatyr», - deıdi Pıa myrza.
Onyń aıtýynsha, Qazaqstanda júrek almastyrý otalary memlekettiń esebinen jasalady. Shetelde balalarǵa jasalǵan transplantatsııalar da bıýdjetten tólenedi.
Jalpy, respýblıka boıynsha júrek transplantatsııasyna zárý adamdardyń sany 200-den asyp jyǵylady. Ulttyq ǵylymı kardıoxırýrgııalyq ortalyqtyń ózinde 100 adam kezekte tur.
«Olardyń ishinde balalar joq. Sebebi bizde tek úlken adamdardyń júregin almastyrýǵa ruqsat bar. Osyǵan baılanysty balalar kezekke qoıylmaıdy. Árıne, balalardyń arasynda júrek aýrýy barlar az. Degenmen, olardy az dep, donorlyqtan aıyrýǵa bolmaıdy. Ondaı balalar zańnyń joqtyǵynan zardap shekpeýi tıis», - dep atap kórsetti ıÝrıı Pıa jýrnalısterge bergen suxbatynda.
