Balalardy daýys kóterip tárbıeleýge bolmaıdy - ǵalymdar
ASTANA. QazAqparat - Eger únemi balaǵa aıǵaılaı berse, bul onyń densaýlyǵyna keri áser etedi, tipti kúızelisten ol semirýge shaldyǵýy múmkin. Amerıkanyń Aıova shtatynyń ǵalymdary zertteý qorytyndysy boıynsha osyndaı tujyrymǵa keldi.
«Bala tárbıesinde daýys kóterý onyń densaýlyǵyna keri áser etedi, buǵan ata-anasynyń ekinshisiniń jaqsy qaraǵany járdemdespeıdi», - deıdi zertteýdiń jetekshi avtory Tomas Shofıld.
Iowa Youth and Families Project zertteý toby eksperıment júrgizgen. Oǵan 12 jastaǵy 451 jasóspirim men onyń ata-analary qatysqan. Ǵalymdar balalar 20 jasqa jetkenge deıin birneshe jyl boıy otbasy ishindegi qarym-qatynasty baqylaǵan, dep jazady Fox News jýrnaly.
Bul rette ár ata-anaǵa dórekilik reıtıngi boıynsha baǵalanǵan Oǵan uryp-soǵý, qandaı da bir jumysqa májbúrleý, tyıym salý, ózimshildik nemese balaǵa daýys kóterý sııaqty kórsetkishter engizilgen. Eksperıment sońynda balalardyń jaǵdaıy tolyq tekserýden ótkizilgen.
Shofıld qatal tárbıe jetkinshekterge sozylmaly kúızelis (stresstik) ortasyn qalyptastyratynyn aıtady. Mundaı tárbıe balanyń kishkene kezinde damyp kele jatqan mıyna jaman áser etedi.
Ǵalymdar belgili bolǵan budan basqa teris saldardyń ishinde qabyný syrqattaryna tez shaldyǵý, júrek-qan tamyrlary belsendiliginiń tómendeý bar.
