Balalardy bolashaqqa baýlyǵan - «Baldaýren» (FOTO)
BÝRABAI. QazAqparat - Býrabaıdaǵy «Baldaýren» respýblıkalyq oqytý saýyqtyrý ortalyǵynda demalýshy jasóspirimder óz arasynda prezıdent saılaýyn ótkizip, boıyndaǵy kóshbasshylyq qasıetterin ushtady.
Qashanda qaryzdarmyn, elim, saǵan
Anamsyń alys júrsem, kóp ańsaǵan
Júrektiń arnap ystyq mahabbatyn,
Týǵan el, bererim kóp meniń saǵan...
Dál osy óleń joldary balalardyń uranyna aınaldy. «Baldáýren» ROSO-da jańa joba «Qazaqstandyq jas patrıottar akademııasy» aıasynda keshe alǵash ret «Eger de men prezıdent bolsam...» atty patrıottyq baǵytta «Baldáýren» prezıdentin saılaý keshi ótti.
Kesh josparyna sáıkes, prezıdentikke úmitker balalar ózderiniń ortalyǵynda atqaratyn nemese bolashaqta iske asyratyn negizgi baǵdarlamaryn,oı-tujyrymdaryn ortaǵa saldy. Demalýshy balalar bul is-sharaǵa qatysýshy úmitkerlerdiń pikirin tyńdap, qaısy úmitker Baldáýren prezıdentine laıyq ekenin tańdaýǵa, daýys berýge ishteı daıyndalyp otyrdy.
«Prezıdenttiń jumysy - ol bizdiń jumysymyz. Al biriktirý, qyzyqtyrý, alǵa umtylý ol prezıdentimizge baılanysty» - dep, óz oıyn aıtty Qyzylordadan kelgen úmitker Q.Nursultan. Jalpy úmitkerlerdiń árqaısysy óte utymdy oılar, usynystar aıtty. Olardyń qatarynda: Serikbaeva Arýjan BQO, Jumabekova Aıdana ShQO, Qonysbekov Nursultan, Qyzylorda oblysy, Nagımetov Altaır, Astana qalasy, Ákim Aınur, Mańǵystaý oblysy, Nagıbın Nıkıta, BQO, Rahmatýllaeva Tańnur, Astana qalasy, Telebaev Dıdar, Almaty qalasy, Shyńǵysbaı Balnur, Almaty qalasy, Jumanııazov Sevındık, Aqmola oblysy, Sattar Nazym, Astana qalasy, Bırımjarov Eldar, Jambyl oblysynan barlyq 12 prezıdenttikke úmitker qatysty.
Ár úmitker sahna tórinde ózderiniń belsendilikterin kórsetý arqyly, ár balanyń júreginen oryn taba bildi. Úmitkerlerge saılaý uıymdastyryldy, ár demalýshy bala prezıdentke daýys berdi. Ortalyǵymyzdyń úlken jetistigi bolyp, balalarymyzdyń óz tańdaýymen Serikbaeva Arýjan BQO-dan kelgen qyzymyz alǵa sýyrylyp oza shyqty.
Kesh qorytyndysynda «Qazaqstandyq jas patrıottar akademııasy» jobasy boıynsha akademııa tóraıymy T.Bıtýova sóz sóıledi.
«Balalar búgingi «Eger de men prezıdent bolsam...» is-sharasyna qatysyp, ózderindegi patrıottyq sezim, kóshbasshylyq qabiletti oıata bildi. Óskeleń urpaqqa mańyzy zor tárbıeli dúnıe aldy dep senemiz» - dedi T.Bıtýova.
