Balalardy birinshi synypqa qabyldaý tamyzdyń birinde aıaqtalady

ASTANA. QazAqparat - QR Oqý-aǵartý mınıstrliginiń orta bilim komıteti 1-synypqa qujattardy qabyldaý bir aptadan soń, ıaǵnı 2023 jyldyń 1 tamyzynda aıaqtalatynyn eskertedi, dep habarlaıdy QazAqparat.

Ótinish berip úlgermegender qujattardy Egov.kz elektrondy úkimet veb-portaly jáne jergilikti atqarýshy organdardyń aqparattyq júıeleri arqyly tapsyra alady.

Birinshi synypqa balalar 6 jastan bastap ata-anasynyń nemese balanyń zańdy ókiliniń ótinishi negizinde qabyldanady. Sondaı-aq, densaýlyq jaǵdaıy týraly qujattar (026/ý-3 nysany jáne 065/ý) jáne 3h4 ólshemdi 2 fotosýret qosa beriledi.
Aıta keteıik, qujattardy qabyldaý 1 sáýirden bastalyp, 4 aıda 350 453 ótinish tústi, birinshi synypqa qabyldanǵan balalardyń 71,2%, qazaq tilinde oqytatyn mektepterdi tańdaǵan.
Aldyn ala boljam boıynsha, jańa oqý jylynda 410 myńnan astam bala birinshi synypqa barady dep kútilýde.