Balalardy 1-synypqa berý týraly ótinishti qabyldaý merzimi jarııalandy

ASTANA. QazAqparat - Jańa oqý jylynda 400 myńnan astam bala birinshi synypqa barady. Birinshi synypqa qabyldaý úshin ótinish berý 1 sáýirde bastalyp, tamyzdyń 1-ne deıin jalǵasady, dep habarlaıdy QR Oqý-aǵartý mınıstrliginiń baspasóz qyzmeti.

Memlekettik bilim berý qyzmeti egov.kz elektrondyq úkimet veb-portaly arqyly men jergilikti atqarýshy organdardyń aqparattyq júıelerinde qoljetimdi.

«Balalar birinshi synypqa alty jastan bastap ata-anasy nemese zańdy ókiliniń ótinishi negizinde qabyldanady. Ótinishpen birge №065ý formasyndaǵy densaýlyq jaǵdaıy týraly anyqtama, 026/ý-3 balanyń densaýlyq pasporty jáne balanyń eki dana 3*4 fotosýreti bolý kerek. Ótinish demalys jáne mereke kúnderdi qospaǵanda, dúısenbiden jumaǵa deıin qabyldanady. Sondaı – aq 1-2 sáýir demalys kúnderi, demek ótinishter 3 sáýirden bastap qaralady», –deıdi orta bilim komıtetiniń bas sarapshysy Erlan Maemerov.Jańa oqý jylynda 400 myńnan astam qazaqstandyq bala birinshi synypqa barady.