Balalardyń jazǵy demalysyn jaqsy uıymdastyrǵan óńirler ataldy
ASTANA. KAZINFORM – Bıylǵy jazda 11 135 demalys ortalyǵy jumys isteıdi. Bul týraly Úkimet otyrysynda QR Oqý-aǵartý mınıstri Juldyz Súleımenova málim etti.
– Jalpy alǵanda bıylǵy jazda 11 135 demalys ortalyǵy jumys istep, 3 mln 200 myń bala demalys jáne saýyqtyrý sharalarymen qamtylady. Sonyń ishinde 44 myńnan astam bala jyl boıy jumys isteıtin 20 ortalyqta, 168 myń bala – 187 maýsymdyq ortalyqta, 2 mln 990 myń bala – 10 928 mektep jáne mektepten tys uıymdar janyndaǵy demalys ortalyqtarynda demalady, - dedi J. Súleımenova.
Onyń aıtýynsha, qamtý kórsetkishi Pavlodar, Qyzylorda, Abaı, Aqtóbe oblystarynda, Astana, Almaty qalalarynda joǵary.
- Respýblıkalyq «Baldáýren», «Bóbek» ortalyqtarynda halyqaralyq, respýblıkalyq pándik jáne IT-olımpıadalardyń, shyǵarmashylyq jáne sporttyq jarystardyń jeńimpazdary qatarynan 5 myń bala saýyqtyrý jáne damytý sharalaryna qatysady. Al óńirlerde osyndaı qoldaý 370 myń daryndy balaǵa uıymdastyrylady, - dediń mınıstr.
Sonymen birge:
- turmysy tómen otbasylardan shyqqan 729 myń bala,
- erekshe bilim berýdi qajet etetin 52 700 bala,
- pedagogıkalyq nazardy qajet etetin 17 100 bala demalyspen qamtylady.
Budan buryn habarlanǵandaı, meıramhanalarda mektep bitirý keshterin uıymdastyrýǵa tyıym salyndy.
