Balalardyń quqyqtaryn qorǵaý komıtetiniń tóraǵasy qyzmetinen ketti
ASTANA. KAZINFORM — Nasymjan Ospanova QR Oqý-aǵartý mınıstrligi Balalardyń quqyqtaryn qorǵaý komıtetiniń tóraǵasy qyzmetinen bosatyldy.Bul týraly QR Úkimetiniń baspasóz qyzmeti habarlaıdy.
— Qazaqstan Respýblıkasy oqý-aǵartý mınıstriniń buıryǵymen Nasymjan Jambekqyzy Ospanova Balalardyń quqyqtaryn qorǵaý komıtetiniń tóraǵasy qyzmetinen bosatyldy, — delingen qujatta.
Nasymjan Ospanova 1969 jyly Almaty oblysynda týǵan.
Jambyl jeńil jáne tamaq ónerkásibi tehnıkalyq ınstıtýtynyń Almaty fılıalyn, Almaty Menedjment ýnıversıtetin bitirgen.
Eńbek jolyn 1991 jyly Almaty qalasynyń №18 Kásiptik-tehnıkalyq ýchılışesinde óndiristik oqytý sheberi bolyp bastady.
1992-1993 jyldary Almatydaǵy №18 Kásiptik-tehnıkalyq ýchılışesinde oqytýshy bolyp jumys istedi.
1993-1996 jyldary Almaty qalasy №18 Kásiptik-tehnıkalyq ýchılışesi dırektorynyń oqý-óndiristik jumys jónindegi orynbasary qyzmetin atqardy.
1996-2006 jyldary – Almaty qalasy №18 Kásiptik-tehnıkalyq mektep dırektorynyń oqý-óndiristik jumys jónindegi orynbasary.
2002-2006 jyldary Almaty qalasy №18 Kásiptik mektep dırektorynyń oqý-óndiristik jumys jónindegi orynbasary, dırektory bolyp jumys istedi.
2006-2008 jyldary – Almaty tehnologııa jáne menedjment kolledjiniń dırektory.
2008-2016 jyldary Almaty qalasy Týrızm jáne qonaqjaılylyq ındýstrııasy kolledjiniń dırektory qyzmetin atqardy.
2017 jyly QR Bilim jáne ǵylym mınıstrliginiń Tehnıkalyq jáne kásiptik bilim departamenti dırektorynyń mindetin atqardy.
2017 jyldyń sáýirinen bastap qazirgi ýaqytqa deıin QR Bilim jáne ǵylym mınıstrliginiń Tehnıkalyq jáne kásiptik bilim departamentiniń dırektory bolyp jumys istedi.
Buǵan deıin Ernar Hasenov QR EM Memlekettik energetıkalyq qadaǵalaý jáne baqylaý komıtetiniń tóraǵasy bolyp taǵaıyndalǵanyn jazdyq.
