Balalardyń qaýipsizdigin baqylaý úshin jasandy ıntellekt tehnologııalary engiziledi
ASTANA. KAZINFORM – «Qazaqstan balalary» tujyrymdamasy bilim berý uıymdarynda balalardyń qaýipsizdigin baqylaý maqsatynda jasandy ıntellekt tehnologııalaryn kezeń-kezeńimen engizýdi kózdeıdi.
Yqtımal qaýipter anyqtalǵan jaǵdaıda, jaýapty qyzmetterge jedel túrde habar berilip, balany qorǵaý úshin qajetti sharalar qabyldanady.
Sonymen qatar balalardyń, ata-analardyń jáne pedagogterdiń tsıfrlyq saýattylyǵyn arttyrý, balalardyń ınternetke qoljetimdiligin retteý, onyń ishinde túngi ýaqytta paıdalanýyn shekteý sharalary qarastyrylǵan. Bul bastamalar balalardy zııandy kontentten, kıber qaýipterden jáne tsıfrlyq gıgıenany buzýdan qorǵaýdy kúsheıtýge baǵyttalǵan.
Balalardyń densaýlyǵy men damýyna zııan keltiretin aqparattan qorǵaý salasyndaǵy zańnama jańartylyp, tsıfrlyq qaýipterdiń aldyn alý tıimdiligin arttyrý jáne qabyldanatyn sharalardyń júıeliligin qamtamasyz etý kózdeledi.
Aıta ketelik «Qazaqstan balalary» tujyrymdamasy 1,3 trln teńge kóleminde qarjylandyrylady.