Balalardyń damýyndaǵy buzylystardy erte anyqtaıtyn 440-tan astam ortalyq ashyldy
ASTANA. KAZINFORM – Qazaqstanda balalarǵa erte jastan medıtsınalyq kómek kórsetý júıesi jetildirilip keledi. Bul týraly Densaýlyq saqtaý mınıstri Aqmaral Álnazarova Astanada ótken halyqaralyq kongreste aıtty.
– Ana men bala densaýlyǵyna, balalardyń damýyndaǵy buzylystardy erte anyqtap, der kezinde kómek kórsetýge erekshe kóńil bólinedi. Sońǵy bir jylda elimizde medıtsınalyq-sanıtarııalyq alǵashqy kómek uıymdarynyń janynan 440-tan astam damý jáne erte aralasý ortalyǵy ashyldy. Onda túrli sala mamandary birlesip jumys isteıdi, – dedi mınıstr.
Aqmaral Álnazarova muny balalar men olardyń otbasylaryna erte qoldaý kórsetý júıesin qalyptastyrýdaǵy mańyzdy qadam dep baǵalady. Onyń aıtýynsha, ortalyqtar balanyń damýyndaǵy buzylystardy ýaqtyly anyqtap, qajetti kómek kórsetýge múmkindik beredi.
Aıta keteıik, buǵan deıin elimizdegi damý jáne erte aralasý ortalyqtarynyń jumysy týraly jazǵanbyz.
