Balalardy sýda jáne órt kezinde qutqarý daǵdylaryna úıretý qajet – Oljas Bektenov

ASTANA. KAZINFORM – Úkimet basshysy Oljas Bektenov balalar qaýipsizdigin qamtý maqtasynda birqatar quzyrly organdarǵa tapsyrma berdi.

- Óz kezeginde, memlekettik organdar balalardyń jazǵy demalysy men saýyqtyrý sharalaryn jaqsy ótkizý úshin qajetti jaǵdaı jasaǵany jón. Birde-bir bala nazardan tys qalmaýǵa tıis. Kóp balaly, az qamtylǵan jáne turmysy tómen otbasylardan shyqqan balalardy qoldaýǵa basymdyq berilsin. Ákimder balalar lagerleriniń ashylýyn jáne olardyń sanıtarııalyq-epıdemıologııalyq, órtke, terrorızmge qarsy qaýipsizdik talaptaryna sáıkestigin jeke baqylaýǵa alsyn, - dedi Oljas Bektenov Úkimet otyrysynda. 

Sondaı-aq Premer-mınıstr Densaýlyq saqtaý mınıstrligine jazǵy kanıkýl kezinde balalardyń tamaqtanýyna turaqty sanıtarııalyq-epıdemıologııalyq baqylaýdy qamtamasyz etýdi tapsyrdy. 

- Tótenshe jaǵdaılar mınıstrligi ákimdiktermen birlesip sý aıdyndary men basseınderde qutqarý jabdyǵynyń bolýyn tekserip, personaldy sýda jáne órt kezinde balalardy qutqarý daǵdylaryna úıretý qajet. Іshki ister mınıstrligi qoǵamdyq tártipti saqtaýdy qamtamasyz etý úshin árbir balalar ortalyǵy men lagerine, kópshilik is-sharalar ótetin oryndarǵa ýchaskelik polıtsııa ınspektorlaryn bekitýge tıis, - dep tolyqtyrdy Úkimet basshysy. 

Buǵan deıin Oljas Bektenov mektep bitirý keshinde balalardyń qaýipsizdigine erekshe nazar aýdarý qajettigin aıtty.