Balalardy qorǵaý kúnine oraı Astanada 100-ge jýyq is-shara ótedi

Bıyl da bul úrdis jalǵasady. Bul joly Astanada merekege erekshe daıyndyq júrip, baǵdarlama jas erekshelikterine qaraı birneshe baǵytqa bólindi. Bul balalar men jasóspirimderdiń barynsha kóp qatysýyna múmkindik beredi.

Merekelik baǵdarlama alty bloktan turady. Árqaısysy belgili bir jas sanatyndaǵy balalardyń qyzyǵýshylyǵyna saı ázirlengen.

Alǵashqy «Besik álemi» blogy úsh jasqa deıingi búldirshinderge arnalǵan.

1 maýsym kúni Jastar saıabaǵynda dástúrli «Arba FEST» arbalar sherýi ótedi. Al Prezıdent saıabaǵynda eńbekteıtin sábılerge arnalǵan «Shapshań bóbek» sporttyq jarysyn tamashalaýǵa bolady. Sondaı-aq qala saıabaqtarynda «Baqyt mekeni» otbasylyq fotoaımaqtary men «Bala álemi» damytýshy oıyn alańdary uıymdastyrylyp, merekelik kóńil kúı syılaıdy.

Baǵdarlamanyń ekinshi «Balapan álemi» blogy 3-6 jas aralyǵyndaǵy balalarǵa arnalǵan. 25 mamyr men 1 maýsym aralyǵynda kishkentaı astanalyqtarǵa sýdaǵy, kóshedegi jáne ınternettegi qaýipsizdik erejeleri qarapaıym formatta túsindiriletin tanymdyq ári oıyn is-sharalary ótip jatyr.

1 maýsym kúni III Halyqaralyq kloýndar festıvali ótedi. Saǵat 12:00-de festıvalge qatysýshylar «Báıterek» monýmenti mańynan bastap Ǵashyqtar saıabaǵyna deıin sherý jasaıdy. Saıabaq «Han Shatyr» saýda oıyn-saýyq ortalyǵynyń qarsy betinde ornalasqan. Al saǵat 17:00-de Amfıteatrda festıval ártisteriniń qatysýymen kontsert ótedi.

Osy kúni saǵat 10:00-den 18:00-ge deıin qalalyq emhanalar balalardy tis dárigerleriniń profılaktıkalyq tekserýinen ótkizý boıynsha ashyq esik kúnin uıymdastyrady.

Úshinshi «Bilim men arman álemi» blogy – 7-10 jas aralyǵyndaǵy balalarǵa arnalǵan.
30 mamyr kúni saǵat 11:00-de Jeruıyq-2 saıabaǵynda (Dostyq úıiniń artynda)«Baqytty shańyraq» erekshe balalarǵa arnalǵan «Baqytty bala» merekelik is-sharasyn ótkizedi.

1 maýsym kúni saǵat 12:00-de Kirpishti turǵyn alabynda dástúrli «Kóńildi starttar» bastalsa, bir saǵattan keıin osyndaı is-shara Óndiris turǵyn alabynda uıymdastyrylady.

Saǵat 15:00-de «Han Shatyr» saýda oıyn-saýyq ortalyǵynda balalar sán kórsetilimi ótedi.

Saǵat 10:00-de №64 mektep-lıtseıinde «Álem balalar kózimen» atty ashyq aspan astyndaǵy shyǵarmashylyq baıqaý uıymdastyrylady.

Osy kúni Tehnıkalyq jáne kórkem shyǵarmashylyq ortalyǵynda balalar jumysynyń kórmesi men «Barshaǵa qýanysh syılaımyz» sheberlik sabaqtary ótedi. Sonymen qatar saǵat 10:00-de Qalalyq alańda kontserttik baǵdarlama uıymdastyrylady.

Tórtinshi «Jas órken» blogy – 11-14 jas aralyǵyndaǵy balalarǵa arnalǵan.

25 mamyr men 1 maýsym aralyǵynda saǵat 11:00-de Ortalyq saıabaqta, Prezıdent saıabaǵynda jáne «Jetisý» saıabaǵynda «Baqytty balalyq úshin» is-sharasy ótip jatyr. Onyń aıasynda balalarǵa sýda, kóshede jáne ınternette ózin ustaý erejeleri, jaraqat pen qaýipti jaǵdaılardyń aldyn alý joldary túsindiriledi.

29 mamyr kúni saǵat 16:00-de Esil jaǵalaýyndaǵy Amfıteatrda «Jasyl el» jazǵy eńbek maýsymynyń saltanatty ashylýy ótedi.

25-31 mamyr aralyǵynda qalalyq polıtsııa departamenti balalarǵa kınologııalyq ortalyqqa ekskýrsııa uıymdastyrady.

Saǵat 10:00-de M. Ótemisuly atyndaǵy Oqýshylar saraıy alańynda «Bala energy» open-air festıvali ótedi. Osy ýaqytta «ARQA ALAN» ulttyq sport túrlerin damytý ortalyǵynda «Ethno Games ArqaLan» festıvali uıymdastyrylady.

Baǵdarlamanyń besinshi «Bolashaqqa qadam» blogy jasóspirimderge arnalǵan.
1 maýsym kúni elordada «Astana FIDA Drone Soccer Championship» halyqaralyq dron-fýtbol chempıonaty ótedi.

Saǵat 11:00-den 15:00-ge deıin Amfıteatr sahnasynda «QosymshaFest» festıvali uıymdastyrylady.

Osy ýaqytta ákimdik aldyndaǵy qalalyq alańda opera jáne balet teatrymen birlesken «Túrli-tústi mozaıka» baıqaýy ótedi.

Eń aýqymdy altynshy «Baqytty otbasy» blogy otbasylyq qundylyqtarǵa arnalǵan.
28 mamyrda Paralımpıadalyq jattyǵý ortalyǵynda balalar arasynda sporttyq-oıyn-saýyq jarystary ótedi.

29 mamyr kúni MEGA Silk Way saýda-oıyn-saýyq ortalyǵynda «Shekarasyz densaýlyq» aktsııasy uıymdastyrylyp, onyń aıasynda salaýatty ómir saltyn nasıhattaý jáne aýrýlardyń aldyn alý boıynsha aqparattyq materıaldar taratylady

29 mamyr kúni saǵat 11:00-de Abaı dańǵyly boıyndaǵy «Qalamgerler» alleıasynda erekshe balalarǵa arnalǵan «Urpaqtar sabaqtastyǵy» qaıyrymdylyq kontserti uıymdastyrylady. Al 30 mamyr kúni dál osy jerde qutqarýshylar sýdaǵy qaýipsizdik boıynsha sheberlik sabaǵyn ótkizedi.

30 mamyr kúni saǵat 10:00-de Prezıdent saıabaǵynda «Ekomamafest 2026» otbasylyq is-sharasy uıymdastyrylady.

30-31 mamyr kúnderi «Jetisý» saıabaǵynda turǵyndar men qala qonaqtaryna arnalǵan «BópeFair» balalar festıvali ótedi.

31 mamyr men 3 maýsym aralyǵynda elordanyń alty aýdanynyń balalary arasynda «Kóńildi starttar» jarystary uıymdastyrylady.

1 maýsym kúni saǵat 09:00-de Ortalyq saıabaqtaǵy shańǵy-roller trassasynda Halyqaralyq balalardy qorǵaý kúnine arnalǵan otbasylyq sporttyq Kids RUN jarysy bastalady.

Osy kúni Prezıdent saıabaǵynda jas otbasylar «Otbasy – baqyt mekeni» sýret salý kýrsyna qatysa alady. Іs-shara saǵat 11:00-de bastalady. Bir saǵattan keıin Ailand otbasylyq demalys ortalyǵynda merekelik kontsert ótedi.

Sonymen qatar mereke qarsańynda abattandyrýdan keıin jańartylǵan balalar aýla alańdarynyń saltanatty ashylýy josparlanǵan.

Jańartylǵan balalar oıyn jáne jattyǵý aımaqtary bar aýlalar Respýblıka dańǵyly, 2/2, Abaı dańǵyly, 34, 49, 51, Ǵabdýllın kóshesi, 17/1, Júrgenov kóshesi, 18/2, Ázirbaev kóshesi, 6, Qoshqarbaev dańǵyly, 60, Kúmisbekov kóshesi, 7/1, Jeńis dańǵyly, 5 jáne Irchenko kóshesi, 31 mekenjaılarynda ashylady.

Promyshlennyı, Internatsıonalnyı, Mıchýrıno jáne Kúıgenjar turǵyn alaptaryndaǵy qoǵamdyq keńistikterde saǵat 11:00-den bastap balalarǵa arnalǵan kontsertter men ınteraktıv baǵdarlamalar ótedi.

Saǵat 11:00-den 13:00-ge deıin Prezıdent saıabaǵynda oıyndar, baıqaýlar men anımatorlar qatysatyn merekelik baǵdarlama uıymdastyrylady.

Saǵat 11:00-den 12:00-ge deıin Qoǵamdyq qor «Erekshe merekeler» qatysýymen erekshe bilim berý qajettilikteri bar balalardyń kontserti ótedi. Odan keıin osy jerde «Bolashak» ınklıýzıvti teatrynyń sán kórsetilimi uıymdastyrylady.

Saǵat 11:00-de elordada «Bereke Astana» ońaltý ortalyǵynyń saltanatty ashylýy ótedi.

Osy ýaqytta Ortalyq saıabaqta, Ulttyq tennıs ortalyǵy mańynda «Bala Fest» balalar sporttyq oıyndary festıvali bastalady.

2 maýsym kúni saǵat 19:00-de Jastar saraıy ǵımaratynda Balalardy qorǵaý kúnine jáne «Otbasylyq aýla klýby/Zamandas jastar kovorkıngi» jobasynyń 15 jyldyǵyna arnalǵan kontserttik baǵdarlama ótedi.

Budan bólek, 1 maýsymnan bastap qala boıynsha mektep janyndaǵy lagerler jumysyn bastaıdy.