Balalardy qorǵaý kúni: elordalyq emhanalarda Ashyq esik kúnderi ótip jatyr

ASTANA. KAZINFORM — Bul kúnderi balalar aýdıoskrınıngten ótip, mamandarǵa qarala alady, dep habarlaıdy qalalyq qoǵamdyq densaýlyq saqtaý basqarmasy.

Halyqaralyq balalardy qorǵaý kúni qarsańynda Astanadaǵy barlyq emhanada balalar densaýlyǵynyń aldyn alýǵa baǵyttalǵan is-sharalar bastaldy.

— Ashyq esik kúnderi aıasynda emhanalarda hırýrg, LOR-dáriger, kóz dárigeri, nevropatolog, tis dárigeri, pedıatr jáne basqa da mamandar keńes beredi. Sonymen qatar, balalardyń qalaýy boıynsha aýdıoskrınıng júrgiziledi, sondaı-aq balanyń damý kabınetin aralaý qarastyrylǵan, — delingen basqarma taratqan aqparatta.

Barlyq is-shara «Dáriger — balalardyń janashyry» uranymen ótip jatyr. Ashyq esik kúnderi ár emhanada ártúrli kúnderi men ýaqyttarda uıymdastyrylady. Barlyq aqparat medıtsınalyq uıymdardyń resmı saıttarynda jáne áleýmettik jelilerdegi resmı paraqshalarynda jarııalanǵan. Tolyǵyraq aqparatty ýchaskelik dárigerden alýǵa bolady.

Buǵan deıin Astanada 1000-ǵa jýyq adam narkologııalyq esepte turǵanyn jazdyq.