Balalardy qorǵaý kúni: astanalyqtarǵa kámpıtter men oıynshyqtar taratyldy
ASTANA. KAZINFORM – Elordada 1 maýsym – Balalardy qorǵaý kúnine oraı astanalyqtarǵa kámpıtter men oıynshyqtar taratyldy, dep habarlady Astana ákimdiginiń resmı saıty.
«Astana jastary» jastar resýrstyq ortalyǵynyń bastamasymen qolǵa alynǵan is-shara qalanyń Arbat aýmaǵynda uıymdastyryldy. 15 volonter mamyrdyń sońǵy kúni astanalyqtarǵa qýanysh syılady.
«Búgin «Astana Jastary» JRO volonterlary elorda turǵyndary men qonaqtaryna Arbatta balalardy qorǵaý kúnine oraı merekelik táttiler men oıynshyqtar taratýda. Іs-sharanyń sońyna deıin turǵyndarǵa josparlanǵan 30 keli kámpıt úlestiriletin bolady», - dedi «Astana Jastary» jastar resýrstyq ortalyǵynyń volonterler qozǵalysyn damytý bóliminiń basshysy Elvıra Esmuhanova.
Sondaı-aq, uıymdastyrýshylardyń aıtýynsha, mereke aıasynda elordanyń aýla klýbtarynda túrli is-sharalar, onyń ishinde sheberlik synyptary, kontserttik baǵdarlamalar jáne t.b. uıymdastyrylatyn bolady.
