Balalardy fızıkalyq damý skrınınginen ótkizý qaǵıdalary ózgerdi

ASTANA. KAZINFORM — Densaýlyq saqtaý mınıstrligi balalardyń damý skrınıngin uıymdastyrý qaǵıdalaryna ózgerister engizdi.

— Balalardyń damý skrınıngi fızıkalyq damý, qımyl-qozǵalys belsendiligi, sóıleý qabileti, tanymdyq múmkindigi, emotsııalyq erki men áleýmettik minez-qulqyn baǵalaý arqyly damý buzylystaryn erte kezeńde anyqtaýǵa baǵyttalǵan, — delingen qujatta.

Balalardy damý skrınınginen ótkizýdegi mindetter: 

— 6 jasqa deıingi balalardy qamtý (buǵan deıin 5 jasqa deıin júrgiziletin);
— damýynda buzylys qaýpi bar balalardy erte anyqtap, ári qaraı tekserýge, der kezinde aldyn alýǵa jáne ońaltýǵa joldaý;
— Erte aralasýdyń jeke baǵdarlamasyn ázirleýge joldaý;
— damýynda buzylys qaýpi bar balalardy túzetý-damytý oqytý máselesin sheshý úshin psıhologııalyq-medıtsınalyq-pedagogıkalyq konsýltatsııaǵa joldaý;
— damý skrınınginen ótý jáne medıtsınalyq aqparattyq júıege engizý;
— ata-anaǵa nemese zańdy ókilge konsýltatıvtik kómek kórsetý.

Buıryq 2025 jylǵy 6 qyrkúıekte kúshine enedi. 

Buǵan deıin elimizde ana men bala densaýlyǵyn jaqsartý úshin qandaı jumys atqarylyp jatqany týraly jazǵan edik. 

Tamyzdyń basynda Úkimette ana men bala ólimin azaıtý sharalary talqylandy.