Balalardaǵy kavasakıǵa uqsas sındromy neden týyndaýy múmkin - dáriger pikiri
NUR-SULTAN. QazAqparat – Covid-19 aýrýynan keıin balanyń boıynda kavasakıge uqsas sındrom qaıdan paıda bolady? Bul suraqqa «Ulttyq pedıatrııa jáne balalar hırýrgııasy ortalyǵy» AQ basqarma tóraǵasy Rıza Boranbaeva jaýap berdi, dep habarlaıdy QazAqparat tilshisi.
«Covid-tiń balalardyń boıynan sımptomsyz nemese jeńil ótetini belgili. Biraq soǵan qaramastan, bizdi, ıaǵnı dárigerlerdi alańdatatyn másele – Covid-19 aýrýynan keıin 2-6 apta ótken soń «mýltıjúıeli qabynǵan sındrom» dep atalatyn aýrýdyń qaýpi týyndaıdy. Ony keıde Kavasakıge uqsas sındrom dep te ataıdy. Biraq bizdiń málimetterimiz boıynsha, Covid-19 aýrýyn ótkergen bizdegi jalpy balalardyń 1,5 paıyzy kavasakıge uqsas sındrommen aýyrǵan», - dedi QazAqparat tilshisiniń suraqtaryna jaýap bergen Rıza Boranbaeva.
Onyń aıtýynsha, bul rette bir nusqa bolǵanymen, ony rastaıtyndaı dálel áli joq.
«Bul Covid-19 sekildi jańa sındrom bolǵandyqtan ol balalardyń boıynda nege órshıtini týraly málimet joqtyń qasy. Ony kavasakıge uqsas aýrýlarmen salystyryp qarasaq, kavasakıdiń ózimen genetıkalyq turǵyda beıim balalardyń aýyrady dep esepteledi. Boljamymyzǵa qaraǵanda, Covid-19 kezinde de, kavasakıge uqsas sındromǵa da genetıkalyq turǵyda beıim balalar aýyratyn bolýy kerek. ıAǵnı, mundaıda kúrdeli jaǵdaıdy sanaýly balalar ótkerýi yqtımal. Bul gıpoteza, alaıda buǵan qatysty naqty ári senimdi málimet joq ekenin taǵy bir aıta ketkim keledi», - dedi Rıza Boranbaeva.
