Balalar jylynda pavlodarlyq oqýshylar qoǵamdyq kólikte tegin júredi

PAVLODAR. QazAqparat – Pavlodar oblysynda oqýshylar balalar jylynda qoǵamdyq kólikte tegin júredi, dep habarlaıdy QazAqparat.

«Áleýmettik az qamtylǵan otbasylardan shyqqan balalarǵa balabaqshada tegin tamaq (876,5 mln teńge), barlyq bastaýysh synyp oqýshylaryna mektepterde tegin tamaq (1408,1 mln teńge) qarastyrylǵan», - dedi Pavlodar oblystyq bilim basqarmasynyń basshysy Dinıslam Bolathanuly Balalar jyly týraly brıfıngte.

Onyń aıtýynsha, óńirde 2022 jyly qalalyq qoǵamdyq kólikte oqýshylar tegin júredi (ol úshin bıýdjetten 679 mln teńge bólingen).

Jetimder men ata-anasynyń qamqorlyǵynsyz qalǵan balalarǵa turǵyn úı sertıfıkatyn berý josparlanǵan.

«8 bólimnen, 64 sharadan turatyn is-sharalar jospary jasaldy. Jalpy qarjylandyrý 34247,1 mıllıon teńgeni quraıdy», - dedi D.Bolathanuly.

Spıker 2022 jyly balalarǵa áleýmettik qoldaý kórsetýge basymdyq beriletinin atap ótti.