Balalar jyly: ShQO-da bıyl bir balaǵa kórsetilgen medıtsınalyq qyzmet somasy 22% artty
Shyǵys Qazaqstandaǵy emhanalarǵa tirkelgen balalar sany jyl saıyn artyp keledi. Búginde oblys boıynsha 367 656 bala bar.
«2022 jyl – Balalar jyly bolyp jarııalanǵany belgili. Balalar MÁMS júıesinde avtomatty túrde saqtandyrylǵan. Olar úshin jarnalardy JSN alǵan sátten bastap kámeletke tolǵanǵa deıin memleket tóleıdi. Bul balalarǵa TMKKK aıasynda ǵana emes, mindetti áleýmettik medıtsınalyq saqtandyrý paketine kiretin medıtsınalyq kómekti de alýǵa múmkindik beredi. Jalpy óńir boıynsha bıyl balalarǵa 11,3 mlrd teńgege medıtsınalyq qyzmet kórsetildi», - deıdi ÁMSQ ShQO fılıalynyń dırektory Nurlan Qydyrbaev.
Jyl basynan beri balalardy táýlik boıǵy statsıonarlarda emdeý úshin 4,2 mlrd teńgege jýyq qarajat jumsaldy.
Al joǵary tehnologııalyq medıtsınalyq kómek kórsetýge shamamen 20 mln teńge bólingen.
«MÁMS júıesi engizilgeli medıtsınalyq ońaltý syndy mańyzdy baǵyt qarqyndy damyp keledi. Balalar ońaltýǵa tegin jiberiledi. Osy jyly táýlik boıǵy jáne kúndizgi statsıonarlar jaǵdaıynda eki myńǵa jýyq bala emdeldi», - dedi Nurlan Qydyrbaev.
Onyń aıtýynsha, bıyl bir balaǵa kórsetilgen medıtsınalyq qyzmet somasy 22%-ǵa artyp otyr.