Balalar jyly Qyzylordada 80 sport jáne oıyn alańy ashylǵan

QYZYLORDA. QazAqparat - Balalar jyly ár óńirde ártúrli atalyp, óńir ákimderi túrli nysandar tabys etýde. Qyzylordada balalardyń ıgiligine bir mezette 80 sport-oıyn alańy tartý etilgen. Bul týraly «Betpe-bet» baǵdarlamasynda oblys ákimi Nurlybek Nálibaev málimdedi.

- Balalar – bizdiń bolashaǵymyz, olarǵa jan-jaqty qoldaý kórsetip, barlyq jaǵdaı jasaýǵa múddelimiz. Memleket basshysynyń bıyl jarııalaǵan «Balalar jylyna» tartý retinde demeýshilerdiń qoldaýymen quny 1,6 mlrd.teńgege 80 balalar sport-oıyn alańyn paıdalanýǵa berdik. Tek qalanyń ortasynda ǵana emes, shetkeri aımaqtarda da oıyn alańdary salyndy. Bul jumystardy kelesi jyly da jalǵastyramyz. Balalar úshin taǵy bir qomaqty syı jasadyq. «QazGerMunaı» kompanııasy Qyzylordada 350 oryndyq zamanaýı Oqýshylar saraıyn salýǵa nıet bildirdi. Jańa úlgidegi Oqýshylar saraıynda daryndy balalardyń jan-jaqty bilim alýyna múmkindik jasaımyz,-dedi óńir basshysy.

Qyzylorda oblysynda bala týý kórsetkishiniń qarqyny joǵary. Osyǵan oraı, jeke mektepterdiń de úlesi kóbeıip jatyr.

Aımaqta bilim salasyna ınvestıtsııa quıǵan kásipkerler az emes.

Qazirdiń ózinde óńirde 21 jeke mektep jumys istese, aldaǵy 3 jylda kásipkerlerimiz 12 mektep salýǵa nıet bildirgen.

Aımaqta apatty dep tanylǵan Toqabaı aýylyndaǵy mektep jeke ınvestor esebinen 500 mln teńge qarjyǵa qaıta salynyp jatyr.

- Aldaǵy 3 jylda 64 balabaqsha ashý josparymyzda bar. 11 myńǵa jýyq búldirshindi qamtımyz. Osylaısha óńirde 3 jastan 6 jasqa deıingi balalardy mektepke deıingi tárbıemen 100% kórsetkishke jetkizemiz, - dedi oblys ákimi.

Baǵdarlamanyń tolyq nusqasyn tómende kóre alasyz.