Balalar yzaqorlyǵynyń sebebi tabyldy
ASTANA. 24 qańtar. QazAqparat - Kanadada Monreal ýnıversıtetiniń jáne Sent-Jıýstın aýrýhanasynyń qyzmetkerleri balanyń yzaqor bolýy tuqym qýalaıtyn qasıet ekenin anyqtaǵan, dep jazady «Reseı gazeti».
Buryn sarapshylar balalardyń yzaqorlyǵy sábı kezeńinde, al qarsy minez-qulyq kórsetýdiń der kezi ekiden tórtke deıingi jasty qamtıdy dep málimdegen. Zertteý barysynda kanadalyqtar 667 jup egizderdiń minez-qulqy men shyqqan tegin zerdelegen, al ata-analaryna balaǵa 20, 32 jáne 52 aı bolǵanda, olarda bolatyn fızıkalyq yzaqorlyq deńgeıin baǵalaýdy usynǵan.
Nátıjesinde belgili fakti rastaldy: fızıkalyq yzaqorlyqtyń der kezi erte balalyq shaqta bolady eken. Alaıda bastapqydaǵy jaǵdaılardyń jıiligine, fızıkalyq yzaqorlyqtyń ózgerý deńgeıine syrtqy faktor da, tuqym qýalaýshylyq faktor da áser etken. Zertteýshiler balalardyń yzaqorlyǵyna yqpal etetin tuqym qýalaýshylyq shamamen 50 paıyzdy quraıdy dep sanaıdy.
«Tuqym qýalaýshylyqpen keletin fızıkalyq yzaqorlyq ózgermeıdi degen uǵym joq», dedi zertteýdiń avtory Erık Lakrýs. Biraz ýaqyttan soń kóptegen balalar men jasóspirimder bul aýyr kezeńdi eńserip, adamdarmen jyly qarym-qatynasty daǵdyǵa aınaldyra alady.
Chıkago ýnıversıtetiniń burynǵy qyzmetkerleri jasóspirimderdiń ótpeli kezeńinde paıda bolatyn ózin-ózi ustaı almaý, ashýyn tejeı almaý sııaqty sátterinde aspırın kómektese alatynyn anyqtaǵan.
