Balalar úılerindegi qarakózdermizdi múftııat óz qamqorlyǵyna alsa- Nurtóre Júsip
ALMATY. 5 naýryz. QazAqparat /Erlik Erjanuly/ - Qazaqstandaǵy jetimder úılerindegi balalardyń kóbi tálim-tárbıeni orys tilinde alyp jatyr. Bul jaıly búgin Almatydaǵy Máýlit merekesine arnalǵan alqaly jıynda sóz boldy.
«Jaqynda Reseı patrıarhary Reseıdegi bilim berý týraly zańǵa ózgerister engizip, balabaqshadan bastap prvoslav dinin nasıhattaý týraly bastama kóterdi. Sol bastamaǵa oraı qazir búkil jetim balalar úıleri shirkeýdiń qamqorlyǵyna alynǵaly jatyr», - deıdi «Aıqyn» gazetiniń bas redaktory Nurtóre Júsip.
Jıynda «Islam jáne qazirgi qoǵam» degen taqyrypta sóz sóılegen kósemsózshi Qazaqstandaǵy balalar úılerindegi jetimderdiń kóbi orys tilinde tálim-tárbıe alyp jatqanyna ókinish bildirdi. "Balalar úılerindegi qarakózderdi bizdiń múftııat óz qamqorlyǵyna alsa, nur ústine nur bolar edi. Óıtkeni jetimniń demeýshisi de jebeýshisi bir Alla. Odan Qazaqstan musylmandary dinı basqarmasy syrt qalmasa degen óz usynysyn jasady", - dedi ol.
