Balalar úıleri jabylsa, qyzmetkerler jumyssyz qala ma
NUR-SULTAN. QazAqparat – QR Balalar quqyǵy jónindegi ýákiliniń pikirinshe, balalar úıi qyzmetkerleriniń ata-ana qamqorlyǵynsyz qalǵan balalardy ósirýde úlken tájirıbesi bar, dep habarlaıdy QazAqparat tilshisi.
«Qazaqstanda ata-ana qamqorlyǵynsyz qalǵan balalardy tárbıelep otyrǵan qanshama otbasy bar. Balaǵa otbasylyq baqyt syılaǵan olardyń barlyǵyna alǵys aıtam. Bizde otbasylardyń 20 paıyzy bala súıýdi armandap júr. Sondyqtan, keıbir erli-zaıyptylar balalar úıinen bala asyrap alyp, tolyqqandy otbasy bolyp otyr. Sol sebepti bul baǵyttaǵy jumysty ıÝNISEF-pen birge jalǵastyryp, bala tárbıelep otyrǵan otbasylardy oqytýdyń halyqaralyq tájirıbesin tartqym keledi. Qazaqstanda jylyna 350-500 otbasy bala asyrap alady. Al jylyna 1500 bala ata-ana qamqorlyǵynsyz qalady. Bul degenińiz bir otbasy 3-5 balany asyrap alady degen sóz», - dedi Arýjan Saın Ortalyq kommýnıkatsııalar qyzmetinde ótken baspasóz máslıhatynda.
Onyń aıtýyna qaraǵanda, balalar úıiniń qyzmetkerleri bul rette jumyssyz qalamyz dep qorqatyn kórinedi.
«Biz olarǵa jyldar boıy aıtyp kelemiz - qazirgi ýaqytta patronatty tárbıe degen bar. Ol boıynsha bala asyrap alǵan otbasylarǵa kádimgideı aılyq tólenedi. Bala ósken saıyn 35 myń teńgeden bastalatyn aılyqtyń mólsheri arta beredi. Men olarǵa balalar úıiniń qyzmetkerlerine «bir-eki balany ala alasyz ǵoı» deımin. Aılyq ta alyp otyryp, taǵy bir jerde jumys isteýge múmkindik bar. ıAǵnı, patronatty tárbıeshi bola otyryp, qosymsha jumys isteı alasyz. Balalar úıiniń qyzmetkerlerinde naqty tájirıbe bar. Máseleni osylaı sheshýge bolady», - dedi ol.
Eske sala ketsek, buǵan deıin Arýjan Saın jergilikti atqarýshy organdar men aımaq basshylaryna qarjylyq saıasattty qaıta qaraý jóninde úndeý tastap, ımıdjdik sharalardyń bárin qysqartyp, odan únemdelgen qarajatty balalarǵa jumsaýdy suraǵan edi.
