Balalar úıiniń tárbıelenýshisi pıng-pong hanshaıymy atandy
Týrnırdiń fınaly tamyz aıynyń sońynda Almatyda ótti. «Tańsholpan» balalar úıiniń tárbıelenýshisi Shanhaıdaǵy sport akademııasyna barýǵa múmkindik aldy.
Týrnırdi Almatydaǵy QHR Bas konsýldyǵynyń qoldaýymen Ústel tennısi federatsııasy men «Baurzhan» qory uıymdastyrdy. Bıyl týrnır ekinshi ret ótti.
«Pıng-pong hanshaıymy» týrnırin ótkizýge jetim balalar men olardyń sportqa degen yntasy arqaý boldy. Osyndaı jobalardyń arqasynda bolashaqta olardyń biri sport jolyn qýyp, chempıon bolýy bek múmkin», - deıdi «Baurzhan» qorynan uıymdastyrýshy Dınara Qadyr.
Kishkentaı Evgenııa 9 jasta, soǵan qaramastan ol ózinen jasy úlken qarsylastaryn oısyrata jeńdi.
«Men bar bolǵany bir aı jattyǵyp, jeńiske qol jetkizdim. Ústel tennısinde dáldik pen jyldamdyq mańyzdy. Men qatty jeńgim keldi, ol úshin bárin istedim», - deıdi Evgenııa Týzova.
Shanhaıǵa Evgenııamen birge 13-16 jas sanatyndaǵy jeńimpaz, rýdnyılyq Olga Kım barady. 10 kúndik sapar kezinde qyzdar ekskýrsııaǵa shyǵyp, jetekshi tennısshilerdiń sheberlik synyptaryna qatysady. 