Balalar úıiniń tárbıelenýshilerine qamqorlyq kórsetý maqsatymen arnaıy qaıyrymdylyq shara ótkizildi
ASTANA. 27 qańtar. QazAqparat /Aınur Kenebaeva/ - Azııa oıyndarynyń qarsańynda elordamyzda Azıadanyń ashylý saltanatyna arnalǵan bıletterdi tabystaý rásimimen ushtasqan qaıyrymdylyq shara ótkizilip, balalar úıiniń tárbıelenýshileri «Astana-Arena» stadıonynda ótetin Azııa oıyndarynyń ashylý saltanatyn tamashalaý múmkindigine ıe boldy.
Sharaǵa Astana qalasy bilim basqarmasynyń bastyǵy Ásıma Bımendına men «Altyn 21» JShS-niń dırektory Sofıa Sharıpova qatysty.
Igi shara barysynda balalar úıiniń dırektory Gúlmıra Káribaeva kirispe sóz sóıledi. Astana qalasy bilim basqarmasynyń bastyǵy Ásıma Bımendına óz sózinde Azııa oıyndarynyń mańyzdylyǵyna toqtalyp, tárbıelenýshilerge patrıottyq-tárbıelik máni bar lebiz aıtty.
Qaıyrymdylyq shara aıasynda Sofıa Sharıpova balalar úıiniń tárbıelenýshilerineAzııa oıyndarynyń ashylý saltanatyna arnalǵan 100 kirý bıletin tabys etti.
Qaıyrymdylyq sharasy balalar ázirlegen kontserttik baǵdarlamaǵa ulasty.
Bul ıgi bastama janary jáýdirep, jylylyq kútetin jas búldirshinderge qoǵam tarapynan kórsetilip jatqan meıirim men qamqorlyqtyń izgilikti kórinisi boldy.
