Balalar úıiniń tárbıelenýshileri UOS ardagerlerimen kezdesti

ASTANA. QazAqparat - Uly Jeńistiń 70 jyldyǵy qarsańynda «Uly Jeńis shashýy» aktsııasy aıasynda Astanadaǵy balalar úıiniń tárbıelenýshileri Uly Otan soǵysynyń ardageri Asylhan Bekbaevpen kezdesti, dep habarlaıdy elorda ákimdiginiń resmı saıty.

Uly Otan soǵysynyń ardageri balalarǵa 1942 jyly Keńes áskeri qataryna shaqyrylǵanyn aıtty. 1944 jyldyń qarashasynan bastap 3-shi Belarýs maıdanyndaǵy 6-shy gvardııalyq bombalaýshy áýe dıvızııasynyń 134-shi gvardııalyq áýe polkiniń quramynda shaıqasqan. Ol Belarýs aýmaǵy men Baltyq jaǵalaýyn nemis-fashıst basqynshylarynan azat etti. Jeńis kúnin Asylhan Tabyldyuly Shyǵys Prýssııadaǵy Kenınsberg túbinde qarsy aldy. Qazir maıdanger 91 jasta, buǵan qaramastan ol áli tyń.

«Uly Jeńis shashýy» merekesine eńbek ardagerleri Aıtqoja Mýsın jáne Kaırbanat Fedostseva da keldi. Olar balalarǵa soǵystan keıingi jyldary qalaı eńbek etkenderi, soǵystan keıin eldi qalaı qaıta kótergenderi týraly aıtyp berdi.

Bul kúni ardagerlerge shyn júrekten shyqqan quttyqtaýlar arnaldy. Astana qalasy ákimdiginiń Balalar úıiniń tárbıelenýshilerinen quralǵan shyǵarmashylyq ujymdar soǵys jyldaryndaǵy ánderdi shyrqady. Balalar úıiniń «Jastyq» teatr stýdııasy «Estelikter izimen» qoıylymyn kórsetti. Balalar úıiniń kýratorlary Qazaqstan Respýblıkasy Ulttyq Qaýipsizdik Komıtetiniń ofıtserleri de ardagerler men balalarǵa mýzykalyq tartý jasady.