Balalar úıiniń tárbıelenýshileri Elbasy N. Nazarbaev oqyǵan mektepte boldy (FOTO)

ALMATY. QazAqparat - Búgin Almaty qalasy men Almaty oblysy balalar úıleriniń tárbıelenýshileri Qaskeleń qalasynda Nursultan Nazarbaev oqyǵan mektepti jáne Qarasaı aýdanynyń tarıhı-ólketaný murajaıyn aralady.

«Murajaı ornalasqan ǵımarat 1899 jyly salynǵan. Onda kezinde Abaı atyndaǵy orta mektep ornalasqan bolatyn. Elbasy osy bilim ordasynda oqyp, 1957 jyly attestat alǵan», - dedi murajaıdyń dırektory Marııa Qojanova.

Aıta ketelik, «Prezıdentke súıispenshilikpen» dep atalatyn atalmysh sharany QR Tuńǵysh Prezıdenti - Elbasy qory uıymdastyryp otyr.

«Murajaıda Prezıdent ómiriniń ár túrli kezeńderinen - mektep oqýshysynan bastap, el tizginin qolyna alǵan kezge deıingi shaqtarynan syr shertetin jádigerler qoıyldy. QR Tuńǵysh Prezıdenti kúnine oraılastyrylǵan bul shara balalardyń boıynda otansúıgishtik, Elbasynyń ómiri arqyly belsendi azamattyq ustanym qalyptastyrýǵa baǵyttalǵan», - dedi «Qarasaı aýdandyq bilim qory» korporatıvtik qorynyń atqarýshy dırektory Erkin Israılov.

Balalar sonymen qatar, jańadan ashylǵan Abaı atyndaǵy mektep-ınternattyń murajaıynda da boldy. Ekskýrsııaǵa qatysýshylardyń aıtýynsha, olarǵa Prezıdenttiń qandaı jaǵdaıda bilim alǵandyǵy qatty áser etken. Soǵan qaramaı, mektepte úzdik oqyǵandyǵyna balalar tánti bolysty.