Balalar úıiniń tárbıelenýshileri «Boksshy» fılmin tegin kórdi

ALMATY. QazAqparat- Almatyda «Boksshy» fılminiń qaıyrymdylyq kórsetilimi ótti. Bul týraly «Qazaqfılm» kınostýdııasy málim etti, dep habarlaıdy QazAqparat tilshisi.

Búgin Almatyda jańa jyl merekesiniń qarsańynda Sháken Aımanov atyndaǵy «Qazaqfılm» kınostýdııasy Kinopark kınoteatrlar jelisi, Magnum Sash&Sarry sýpermarketter jelisi jáne «ıA Almaatınets» qoǵamdyq birlestiginiń uıymdastyrýymen Almaty oblystyq №1 balalar úıiniń tárbıelenýshilerine «Boksshy» fılminiń qaıyrymdylyq kórsetilimin uıymdastyrdy.

Fılm bastalmas buryn uıymdastyrýshylar balalarǵa estelik syılyqtar syılap, tátti tartý etti.

Fılmniń rejısseri Aqan Sataev pen basty róldi somdaǵan akter Smadııar Sabyrov balalardy kele jatqan Jańa jyl merekesimen quttyqtady.

Esterińizge salaıyq, 2012 jylǵy Olımpıada chempıony Serik Sápıev týraly «Boksshy» fılmi ústimizdegi jyly jeltoqsan aıynda prokatqa shyqqan bolatyn.