Balalar úıindegi búldirshinder Naýryzdy toılady

ASTANA. QazAqparat - Qaraǵandyda qala ortalyǵyndaǵy kıiz úılerdiń dastarhandary ulttyq taǵamdarǵa tolyp, qala turǵyndary, sonyń ishinde balalar úıiniń tárbıelenýshileri de ulttyq taǵamdardan dám tatty, dep habarlaıdy QazAqparat.

«Alańdaǵy kıgiz úılerdiń dastarhanynan kez kelgen adam dám tata alady. et asyp,  baýyrsaq pisirdik. Árıne, naýryz-kóje de bar. Balalar úıiniń tárbıelenýshilerin de dastarhanǵa shaqyrdyq. Olar da ystyq baýyrsaqtan dám tatyp, qýanyp qaldy»,-deıdi Qaraǵandy qalasy ákimdiginiń baspasóz hatshysy Dıana Saparqyzy.

 

Qalanyń bas alańyna esigi shyǵysqa qaraǵan ondaǵan kıiz úı tigilgen. Ár kıiz úıdiń dastarhanyn memlekettik organdardan basqa, shaǵyn jáne orta kásipkerler de dámdi taǵamdarǵa toltyrǵan.

«Qazaqmys» korporatsııanyń menedjeri ıÝrıı Dotsenkonyń aıtýynsha, kompanııa búgingi merekege oraı jigitterdi qazaq batyrlary sııaqty kıindirip, dastarhandy dámge toltyrǵan.

«Qazaqtyń salt-dástúri janyma jaqyn. Osy jerde týyp, osy jerde óstim. «Qazaqmys» korporatsııasynyń atynan qazaqstandyqtardy Naýryz merekesimen quttyqtaımyn»,-deıdi ıÝrıı Dotsenko.