Balalar úıi túlekteriniń kópshiliginde baspana máselesi ózekti bolyp tur - Bas prokýratýra
Bul týraly búgin Astanada ótip jatqan alqa májilisinde QR Bas prokýratýrasy Áleýmettik-ekonomıkalyq saladaǵy zańdylyqty baqylaý boıynsha departamentiniń bastyǵy Qanat Seıdǵapbarov málim etti.
«Balalar úıinen túlep shyqqandardyń basym bóliginiń aldynan shyǵatyn problema bar. Bul - turǵyn úıdiń bolmaýy. Sońǵy 7 jylda 14 myń balanyń 832 ǵana bekitilgen úılerine oraldy, nemese 6 paıyzy. Al, memleketten 823 ǵana páter alǵan, nemese 5,8 paıyzy. Sáıkesinshe balalar úıinen tárbıe alyp shyqqandardyń 12 myńnan astamynda baspana joq. Onyń ishinde tek jartysy ǵana tirkeýde tur»,-dep atap ótti ol.
Q. Seıdǵapbarovtyń sózinshe, baspanaǵa zárý jetim balalardyń joǵary kórsetkishi Shyǵys Qazaqstan, Qaraǵandy, Qostanaı, Aqmola oblystarynda anyqtalyp otyr.
«Búginde ınternattyq mekemelerdegi 10 myń 887 tárbıelenýshiniń 6 paıyzynda nemese 700-ge jýyǵynda bekitilgen baspanasy bar. Baspana kezeginde 8 myńnan astam bala tur, nemese 81 paıyzy»,-dedi departament basshysy.
