Balalar Ulttyq qordan 13,3 mln teńge aldy: qarajat qaıda jumsaldy

ASTANA. KAZINFORM — «Ulttyq qor - balalarǵa» baǵdarlamasy aıasynda jas otandastarymyz 13,34 mln AQSh dollaryn nysanaly maqsatqa paıdalandy. 

— 2025 jylǵy 1 maýsymdaǵy derekterge sáıkes, barlyǵy 108 694 ótinish oryndalyp, 13,34 mln AQSh dollary tıisti ótinish berýshilerdiń bank shottaryna aýdaryldy, — delingen BJZQ habarlamasynda.

Qarajat qaıda baǵyttaldy?

Turǵyn úı jaǵdaıyn jaqsartýǵa — 7,95 mln AQSh dollary (64 325 ótinish):
▪️ $7,77 mln — turǵyn úı qurylys jınaq salymyn tolyqtyrý (62 749 ótinish)
▪️ $57,78 myń — ıpotekalyq turǵyn úı zaemyn alý úshin bastapqy jarna retinde (496 ótinish)
▪️ $44,69 myń — azamattyq-quqyqtyq mámile arqyly turǵyn úı satyp alý (407 ótinish)

Bilim berý shyǵyndaryn óteýge — 5,38 mln AQSh dollary (44 369 ótinish):
▪️ $4,79 mln — Qazaqstan aýmaǵyndaǵy oqý oryndarynyń qyzmetterine tólem (39 065 ótinish)
▪️ $437,15 myń — bilim berý jınaq salymyn tolyqtyrý (3 935 ótinish)
▪️ $122,91 myń — sheteldik oqý oryndarynda oqýǵa tólem (1 113 ótinish)

Eske salamyz, bıyl elimizdiń barlyq balalaryna Ulttyq qordan maqsatty qarajat kezekti ret bólindi. Bul jınaqty tolyq nemese ishinara paıdalanýǵa bolady. Qoldanylmaǵan soma Maqsatty jınaq shotynda (MJSh) saqtalady.

Kámelet jasyna tolǵan azamattar ózderiniń MJSh-daǵy qarajaty týraly málimetti BJZQ jeke kabıneti nemese eGov portaly arqyly qarap, keıin turǵyn úı jaǵdaıyn jaqsartý nemese bilim alý maqsatynda qarajatty paıdalaný úshin ýákiletti operatorǵa onlaın-ótinish bere alady.

Aıta ketelik balalar Ulttyq qordan 13,3 mln teńge alǵan týraly jazǵan edik.