Balalar Ulttyq qordan 13,3 mln teńge aldy
ASTANA. KAZINFORM – 1 maýsymdaǵy jaǵdaı boıynsha 2024 jyldyń 1 aqpanynan bastap «BJZQ» AQ 13,34 mln AQSh dollaryna 108 694 ótinish oryndap, ótinish berýshilerdiń banktik shottaryna aýdarý úshin ýákiletti operatorlarǵa aýdardy.
— Onyń ishinde turǵyn úı jaǵdaılaryn jaqsartý maqsatynda 7,95 mln AQSh dollaryna 64 325 ótinish, bilim alý aqysyn tóleý úshin 5,38 mln AQSh dollaryna 44 369 ótinish oryndaldy. Esterińizge sala keteıik, nysanaly jınaqtardy alýshy barlyq somany nemese onyń bir bóligin paıdalanýǵa quqyly, aqshanyń paıdalanylmaǵan qaldyǵy nysanaly jınaqtaý shotynda (NJSh) qala beredi, — delingen habarlamada.
Turǵyn úı jaǵdaılaryn jaqsartý aıasynda qazaqstandyqtar qarjylaryn kóbinese mynadaı maqsatta paıdalandy:
odan ári jınaqtaý úshin turǵyn úı qurylysy jınaqtaryndaǵy salymdy tolyqtyrý (7,77 mln AQSh dollaryna 62 749 ótinish oryndaldy),
turǵyn úı satyp alýǵa ıpotekalyq turǵyn úı qaryzyn alý úshin bastapqy jarnany engizý — 57,78 myń AQSh dollaryna 496 ótinish,
azamattyq-quqyqtyq mámileler boıynsha menshikke turǵyn úı satyp alý (túpkilikti esep aıyrysý) — 44,69 myń AQSh dollaryna 407 ótinish.
— Bilim alý aqysyn tóleý boıynsha eń tanymal qosalqy maqsattar: Qazaqstan Respýblıkasynyń aýmaǵynda ornalasqan bilim uıymdarynyń bilim berý qyzmetterine úlestermen (árbir akademııalyq kezeń nemese oqý jyly úshin) nemese bir ret tolyq kólemde (búkil oqý merzimi úshin) aqy tóleý (4,79 mln AQSh dollaryna 39 065 ótinish oryndaldy), bilim alý úshin jınaqtaý salymy týraly shart boıynsha bilim alý jınaqtaý salymyn tolyqtyrý (437,15 myń AQSh dollaryna 3 935 ótinish oryndaldy), sheteldik bilim berý uıymdarynyń oqytý qyzmetterine úlestermen (árbir akademııalyq kezeń nemese oqý jyly úshin) nemese tolyq kólemde birjolǵy (búkil oqý merzimi úshin) aqy tóleý (122,91 myń AQSh dollaryna 1 113 ótinish oryndaldy), — delingen habarlamada.
Aıta ketelik Ulttyq bank mamyrda Ulttyq qordan 988 mln dollar satqan.