Balalar týraly derekter biryńǵaı tsıfrlyq platformada jınaqtalady
ASTANA. KAZINFORM – Oqý-aǵartý mınıstrliginiń Balalardyń quqyqtaryn qorǵaý komıteti 2026-2030 jyldarǵa arnalǵan «Qazaqstan balalary» tujyrymdamasy aıasynda «Balazhan» memlekettik tsıfrlyq platformasyn engizip jatyr.
Platformanyń negizgi maqsaty - erekshe nazar aýdarýdy qajet etetin balalardy erte anyqtap, olarǵa qajetti kómekti ýaqtyly uıymdastyrý.
«Balazhan» balalar men olardyń otbasylary týraly aqparat jınaýǵa qatysty jańa talaptar engizbeıdi. Buǵan deıin pedagogter qaǵaz qujattarda jáne ártúrli aqparattyq júıelerde júrgizip kelgen málimetter endi biryńǵaı tsıfrlyq platformada jınaqtalady.
Bastapqy málimetter platformaǵa bir ret engizilip, keıin tek qajettiligine qaraı jańartylady. Bul qujat aınalymyn azaıtyp, pedagogterdiń jumysyn jeńildetýge jáne mamandar arasyndaǵy ózara is-qımyldy jaqsartýǵa múmkindik beredi.
«Balazhan» Ulttyq bilim berý derekter qorynyń modýli bolyp tabylady. Balalardyń derbes derekteriniń qorǵalýy zańnama talaptaryna sáıkes qamtamasyz etiledi.
Jańa júıe qoldaýdy qajet etetin balalardy úzdiksiz súıemeldeýge jáne olarǵa kórsetiletin kómektiń tıimdiligin arttyrýǵa baǵyttalǵan.
Aıta ketelik elimizde qansha pedagog jumys isteıtini týraly jazǵan edik.
