Balalar túngi ýaqytta qylmystyń qurbany bolady –ІІM

NUR-SULTAN. QazAqparat – QR ІІM Ákimshilik polıtsııa komıteti tóraǵasynyń orynbasary Alekseı Mılıýk balalardyń túngi ýaqytta júrýine ne úshin tyıym salynǵanyn túsindirdi, dep habarlaıdy QazAqparat tilshisi.

«Kóp jaǵdaıda balalar túngi ýaqytta qylmystyń qurbany bolady. Osyǵan baılanysty, 2010 jyldan bastap balalardyń zańdy ókilderiniń ertip júrýinsiz turǵyn úıden tys kóshelerde jáne oıyn-saýyq mekemelerinde júrýine tyıym salyndy. Oıyn-saýyq mekemelerinde olar saǵat 22:00-den keıin jáne 6:00-ge deıin, kóshede – saǵat 22:00-den keıin júre almaıdy. Bul úshin arnaıy jaýapkershilik qarastyrylǵan: ata-analar úshin jaza – 3 AEK mólsherinde aıyppul (shamamen 9 myń teńge); menshik nysanyna baılanysty kásipkerlik sýbektileri úshin – 10-50 AEK-ke deıin nemese 30-dan 145 myń teńgege deıin aıyppul salynady», - dedi spıker ІІM-de ótken onlaın-brıfıng barysynda.

Buǵan deıin A. Mılıýk Qazaqstanda 5 myńnan astam bala polıtsııa esebinde turǵanyn aıtqan edi.

Sonymen birge, Qazaqstanda kámeletke tolmaǵandarǵa qatysty zorlyq-zombylyq qylmystary azaıyp keledi.